Alta de Beneficiarios

Poden ser incluídos como beneficiarios e beneficiarias do Mutualismo Xudicial os familiares ou asimilados a cargo dun mutualista en alta, cos requisitos establecidos no Réxime Xeral da Seguridade Social.
 

Poderán conservar a condición de beneficiarios e beneficiarias do Mutualismo Xudicial o cónxuxe que viva separado dun mutualista en alta ou cuxo matrimonio fose declarado nulo ou disolto por divorcio, sempre que teñan dereito a percibir unha pensión compensatoria por parte do titular, e os fillos que convivan con aquel.
 

REQUISITOS

1. Vivir co titular do dereito e ás súas expensas. Non se apreciará falta de convivencia nos casos de separación transitoria e ocasional por razón de traballo, imposibilidade de atopar vivenda no novo punto de destino e demais circunstancias similares.
2. Non percibir ingresos por rendementos derivados do traballo, do capital mobiliario, do capital inmobiliario ou de pensión, superiores ao dobre do indicador público de renda de efectos múltiples.
3. Non estar protexido, por título distinto, a través de calquera dos réximes que integran o Sistema español de Seguridade Social cunha extensión e contidos análogos aos establecidos no Réxime Xeral.

Tramitación: Cubrir o Modelo A-3 e acompañar copia dos documentos que se sinalan no este modelo, segundo o caso.
Cando se trate de beneficiarios/beneficiarias que estando incluídos na Mutualidade causaron baixa por calquera causa establecida, poderase solicitar o  reingreso EN LIÑA a través de a SEDE ELECTRÓNICA.

1. No caso de non asinar a autorización expresa deberán achegar:
   • Fotocopia do DNI, para Beneficiarios/as maiores de 14 anos.
   • Certificados que acrediten que:
     • O seu beneficiario/beneficiaria non figura como titular nin como beneficiario/beneficiaria do outro proxenitor/ da outra proxenitora en ningún dos outros réximes da Seguridade Social.
     • O seu beneficiario/beneficiaria convive e depende economicamente co/a titular do dereito.
2. Advírtese que a declaración asinada, no MODELO A-3, sobre os requisitos que han de reunir os beneficiarios e as beneficiarias, no caso de que se aprecie falsidade nos datos que declara, pode dar lugar a infracción sancionable de conformidade co Regulamento da Mutualidade.
3. É OBRIGATORIO INFORMAR as variacións de datos persoais e sobre os cambios na situación dos requisitos que han de reunir os beneficiarios e as beneficiarias que estean incluídos na cartilla do/ da titular de MUGEJU.
   • Cando deixen de convivir e ter dependencia económica co/a titular.
   • Cando comecen a realizar traballo remunerado, ou perciban renda patrimonial ou pensión superior ao dobre do IPREM.
   • Cando pasen a ter a prestación de asistencia sanitaria por outro Réxime de Seguridade Social, ben como titulares ou como beneficiarios/as doutra persoa.